وحشتوووووووووووني

من طرف بنت النبي الأحد أغسطس 22, 2010 9:35 am

السلام عليكم ورحمة الله وبركاته

[color=brown]ازيكم يا قمرااااااااات كل سنة وانتم طيبين وربنا يعيد عليكم الايام بخير وسعادة وسرور
ويااااااااااارب رمضان دا يبقي نقطة تحول وتغيير في اي واحد لسه مقربش من ربنا ويبقي نقطة تكملة ومساعدة من حد قريب ونفسه يقرب اكتر عشان حس ما ربنا اجمل احساس عمره ما حسه قبل كدا مع اي حد تاني
ربنا يثبت قلوبنا كلنا علي الدين الحق ويملأ قلوبنا بحب رب العالمين وحب اشرف خلق الله حبيب الكل محمد صلي الله عليه وسلم
ااااااااانا كان بقالي كتير اوي مدخلتش نت ولا دخلت علي المنتدي هنا بجد وحشتوني اووووووووي ، كلكم هنا وحشتوني
ربنا يكرمكم يا رب اد ايه الاسلام الف بين قلوبنا وخلانا نحب بعض من غير ما نشووف بعض ، بس حبينا بعض في الله ولله سمعنا بعض بين السطور وموضوعاتنا اللي بنكتبها وهدفنا الوحيد هوا الاخذ بأيدين بعض للأمام وفي طريق الخير راجيين رضا الله
يااااااااااااااااااا رب كلنا ربنا يرضي عنا
ياااااا تري يا قمرات بتقضوا يومكم ازاي في رمضان ؟؟؟؟؟؟؟؟
من كتر مما وحشتوني عايزة اعرف كل حاجة
كل واحدة تفيدنا وتقولنا بتعمل ايه عشان نغير من بعض ونقلدها ويبقي ليها هيا الثواب .
انا هبتدي بنفسي
انا بقي مطحونة في البيت هههههههه كعادة البنات وكمان عشان انا عايزة ابر امي اوي وهيا تعبانة شوية من الصيام ربنا يقويها فأنا مش بخليها تعمل حاجات كتير نااادرا اما بتعمل حاجة وان شاء الله ربنا يجاويني خير علي بري لامي
وانا بقي بشتغل في البيت بشوف برامج دينية عشان استفيد ان شاء الله هقولكم علي البرامج دي والله مفيدة
واما بعد الفطار بقي بجهز لصلاة العشا والتراويح واما ارجع من الصلاة بشوف برده برامج دينية وبعدين ابتدي قيام الليل لحد وقت السحور ، واجهز السحور لاسرتي واستني الفجر وبعدين اصلي واقعد ااقرا قران وبعدين اذكار الصبح واوقات بقعد علي النت زي دلوقتي كدا ووووووووبعدين خلاص بقي ااااااااانام من التعب .
اااااه نسيت اقول علي البرامج اللي بشوفها
1/ برنامج مدرسة الحب للاستاذ مصطفي حسني علي اقرا الساعة 10.25 مساء
2/ برنامج رحلة للسعادة للدكتور عمرو خالد علي المحور الساعة 2.45 فجرا او 5.30 قبل المغرب ، او علي قناة الرسالة الساعة 1 ظهرا ويعاد بعد الفجر
3/ برنامج علمتني الحياة للدكتور طارق سويدان علي الرسالة الساعة 4 عصرا
4/ برنامج الموعظة الحسنة للشيخ مبروك عطيه علي دريم 1 الساعة 3.30 عصرا
واحيانا بشوف روائع التابعين للشيخ محمود المصري بس دا بيتعارض مع قيام الليل لا نه الساعة 2 فجرا

انتوا بقي اشجوني لانكم وحشتوني وكمان شجوني انا وكل بقية البنات مش يمكن اعرف انك بتعملي حاجة حلوة اقلدك وانتي وقتها بإذن الرحمن تاخدي اجر نفسك واجري لاني اخدتك قدوة
مستنياكم وكل سنة وانتم طيبين
بنت النبي[/color]